金麥泰泰國菜館 (已搬遷) 新店位置

同朋友👧🏻一齊喺九龍城，大家商量要食乜，呢日我哋諗住發揮傳統思想，喺九龍城就食泰國菜🇹🇭，行幾步，見到呢間，幾啱眼緣，於是就決定入去開餐😆$58 嘅「泰式🇹🇭馬拉盞炒芥蘭」：芥蘭🥬非常新鮮，顏色嫩綠，咬落幾爽脆，用馬拉盞炒就增添鹹香味😆$78 嘅「芒果蟹肉炒飯」：呢個好似話係新加嘅菜式(見到喺餐牌都係手寫出嚟，唔係印出嚟），咁我哋就試吓🤩；炒飯炒得幾香口，仲加咗啲蟹肉🦀，亦都加咗切粒嘅芒果🥭，有芒果🥭好似食得開胃啲😆$55 嘅「芒果糯米飯」：白糯米煙靭，紫糯米就更加煙靭，芒果🥭就鮮甜，成個組合幾美味🤩都係簡單美味嘅食物🤩