星怡 (已結業)

又嚟咗呢個商場 shopping，買完嘢有啲肚餓，要覓食，諗一諗，記起呢間星加坡🇸🇬餐廳，於是就同朋友👧🏻去開餐😆$88「海鮮釀油條」：材料包括 蝦、蝦膠、油條、雜菜，全部釀喺油條裏邊，油條脆脆哋，香口好食🤩，仲有酸甜辣椒醬 可以沾🤣$48「肉鬆蛋黃醬多士」：多士🥪上邊有肉鬆（我哋叫咗走煉奶）、裏邊有一大片牛油、蛋黃醬，多士🥪脆脆哋，幾好食🤩$88「蒜片炒青龍菜」：「青龍菜」外觀有啲似韭菜，味道亦有啲似韭菜/青蒜，口感爽脆，顏色嫩綠，不過再嫩一啲同埋清淡一啲😋；「青龍菜」係咪新栽培出嚟嘅呢？上網見到咁樣介紹：「這種類似韭菜的青龍菜，其實一直以來都存在的，只是沒有人引進種植，所以沒有在市場出現。其實「青龍菜」的原名是叫 「龍篙菜」，源自西伯利亞和阿拉伯國家。也是法國餐里的高檔蔬菜之一。 這種菜的出現，是在幾年前，由一位退休劉姓的農業科學家，引進到金馬倫高原(馬來西亞)種植」🤩；「青龍菜」真係清新好味😋$140「黑松露香煎鮑魚4隻」：鮑魚切成小粒，放番喺鮑魚殼裏邊🤣，鮑魚煎得幾香口，加埋香噴噴嘅黑松露醬，好好味😋