未食之前，本來覺得睇相片去睇價錢係物超所值嘅，但今日試完之後，只可以講合理同還可以。
叫左羊六花，鮮羊串，自製羊腸，韭菜
自製羊腸最令人失望
見真身時已經打左個突，睇相片係肥粗大嘅，現場見係瘦一半嘅，感覺已經似另一樣野，成條廚司腸咁嘅size咁。食落都可以，但只似有咩味嘅香腸，冇羊肉嘅口感。
鮮羊串 份量同賣相不錯，比太子個間野燒大串仲便3蚊，可惜燒耐左，好韌好韌，味道都係正常好味，但羊味淡少少。
羊六花，相對普通鮮羊串，肥美啲，微韌，不錯，都係羊味淡啲，價錢都算可以接受。
鋪面新開都乾淨企理，待客都算有禮
