8鍋臭臭鍋 (謝斐道) (已結業)

呢兩日天氣陰陰濕濕，沾寒沾凍，最好就係食返個熱鍋暖身，即刻就諗起公司附近呢間八鍋，今日人流唔多，似乎都同疫情有關，不過一人一鍋應該冇問題嘅。餐牌上有個新嘅日式味噌鍋，不過我就想食藥膳羊肉鍋，夠晒補身。啲藥膳湯好好味，有啲似肉骨茶味道，很喜歡呢啲藥材味。羊肉份量都唔少，有羊羶味。其他材料都好豐富，估唔到有蜆仔，另外貢丸好彈牙，配埋粉絲真係一流。另外加$7要咗個熱香芋奶茶，紫色的很美麗，味道有點甜，很滿足呢！