雲南啊老表黑山羊湯鍋米綫 (觀塘工業中心) (已搬遷) 新店位置

經過觀塘知道有間叫雲南阿老表黑山羊湯鍋米綫 ，見到個名幾特別，加上係lunch time關係，其實唔係咁想食飯，食米線就啱曬。叫咗羊肉大碗米線、牛腩湯鍋米線，小食揀咗避風塘辣雞翼、上湯時菜同埋兩杯飲品。羊肉米線超大碗，入面好足料，羊肉又多又淋而且好重羊味，鍾意食羊肉嘅朋友一定會鍾意，而牛腩鍋米線嘅牛腩又係炆得好爽口而且入曬味，最主要想講係兩碗米線嘅湯料都好有鮮味，而且最緊要個米線唔係斷開一截截，爽硬度適中。雞翼就甜甜辣辣好開胃，鍾意食香口食品嘅朋友一定鍾意，上湯時菜都有好多菜喺入面而且上湯個味道一流。