影片
更多
2008-03-28
6 浏览
一向都冇乜衝動去呢間老店。本身雖然頗喜歡羊肉，但就只限於西式嘅烹調，對廣府式嘅做法如羊腩煲，興趣倒是不大，因而遲遲未有來過....今晚忽發雅興想食羊，就book位試試佢...來嘅最終目的當然係羊，因此一口氣order咗幾個羊嘅special --- 燒羊肉串、粉蒸南瓜羊肉及羊肉生煎包...羊肉串加上孜然粉，香氣撲鼻；肉相當淰糯，但最可惜嘅係，並不夠羶...南瓜羊肉算做係一個比較創新嘅做法。粉蒸豬肉响四川舖頭就食得多(從前大磡村詠黎園就做得相當出色)，羊肉咁樣做就係第一次食到。羊肉片又係做得相當淰，帶點微辣，但辣味及南瓜卻蓋過羊嘅獨有羶味，咁同食粉蒸豬肉有乜分別? 好生失望...羊肉生煎係三樣入面最出色嘅 --- 底部煎得幾脆口，餡肉汁豐盈，亦食得出羶味，的確不俗...小弟成晚覺得最好嘅，首推頭盤嘅鹽水鴨。聽講佢哋特地响金陵飯店取經，水準當然有番咁上下。味不死鹹，肉夠紥實，又不太肥。用嚟送酒，冇得彈...另叫半隻四寶片皮雞，賣相還可以，但味道就真的普通。蝦丸不彈牙；炸芝蔴羊肉片太乾身，肉變得嚡sup sup；炸魚件嘅粉漿太厚；雞皮及窩巴倒係脆啪啪....想叫碟特別D嘅菜，見有時令嘅春筍，
今晚忽發雅興想食羊，就book位試試佢...
來嘅最終目的當然係羊，因此一口氣order咗幾個羊嘅special --- 燒羊肉串、粉蒸南瓜羊肉及羊肉生煎包...
羊肉串加上孜然粉，香氣撲鼻；肉相當淰糯，但最可惜嘅係，並不夠羶...
南瓜羊肉算做係一個比較創新嘅做法。粉蒸豬肉响四川舖頭就食得多(從前大磡村詠黎園就做得相當出色)，羊肉咁樣做就係第一次食到。羊肉片又係做得相當淰，帶點微辣，但辣味及南瓜卻蓋過羊嘅獨有羶味，咁同食粉蒸豬肉有乜分別? 好生失望...
羊肉生煎係三樣入面最出色嘅 --- 底部煎得幾脆口，餡肉汁豐盈，亦食得出羶味，的確不俗...
小弟成晚覺得最好嘅，首推頭盤嘅鹽水鴨。聽講佢哋特地响金陵飯店取經，水準當然有番咁上下。味不死鹹，肉夠紥實，又不太肥。用嚟送酒，冇得彈...
另叫半隻四寶片皮雞，賣相還可以，但味道就真的普通。蝦丸不彈牙；炸芝蔴羊肉片太乾身，肉變得嚡sup sup；炸魚件嘅粉漿太厚；雞皮及窩巴倒係脆啪啪....
想叫碟特別D嘅菜，見有時令嘅春筍，點可以錯過? 就來個層塔時筍。將筍片、茄瓜、西芹及木耳絲層層疊上，花心機做嘅菜。筍極爽鮮，伴以麻油醬食之，夠清新之餘味亦甚佳...
聽到好些人批評佢哋嘅水準。小弟就覺得還可以，不過如果俾我揀，要食京菜就必然以鹿鳴春及泰豐廔為首選...
张贴
