1
放工去到九龍城搵食， 和朋友竟然不約而同選擇泰菜以外嘅西餐～ 一直都好想試吓這間位於福佬村道的「羊鞍餐廳」。
傳統的西餐館提供多款套餐， 鐵板扒餐， 各式小食， 焗飯，意粉，意大利飯， 選擇好多。
晚上用餐燈光較暗氣氛唔錯～
懐舊鐵鐵板實在吸引，期待好吃的羊架，一於就點「火焰羊架鉄板餐」～
有3件羊架，目測厚切，淋上濃酒點上火，燃燒一會好有睇頭。羊架入囗香酥軟嫩，夾雜著少許羊脂油香，肉汁豐富，特別美味！！
沒有問及熟成度但烤煎得恰到好處，到這刻依然回味。👍🤩伴菜粗薯條即叫即炸， 如果唔夠飽仲可以加配白飯或意粉都不另收費， 實在太貼心～
以為意粉繼續懷舊會有橙色醬汁， 沒有任何醬汁但有少少調味， 口感唔會太腍也不錯呀！👍😋
鐵板餐包括餐湯/沙律和飲品。 雜菜湯配蒜蓉包 👍 平日一至五更免費升級飲品。
雪糕涼粉冰～ 啱曬夏日降溫， 好重奶味，唔記得少甜哩！
芝士薯蓉焗田螺
薯蓉幼滑， 鋪上芝士， 已經非常惹味， 田螺肉夠大隻！
紅酒燴牛尾
炆到好腍好腍嘅牛尾， 非常入味。 醬汁偏向中式， 好在唔會太鹹， 配白飯一流。
所有主菜加$15 都可包括餐湯/沙律和飲品。
鐵板餐會送一杯雜果啫喱， 貫徹始終嘅懷舊～ 那種黑加侖子味道啫喱絶對充滿童年回憶😍😍
1
1
