Pancake House HoiHoi (荃新天地) (已結業)

我第一次黎呢間店，幾個人叫咗d野share 。首先，呢杯芒果冰茶，裏面冇冰嘅凍茶，味道ok ，正常嘅，但又未到驚喜。羊架好味，唔膻，嫩滑。下面d配菜，個薯仔皮脆脆地，幾香。海膽pizza 只是海膽醬pizza ，雖然知道唔會有真海膽，不過建議餐牌加返個醬字會好啲。我平時對pizza 有啲要求，呢個就及格但不算高分啦。皮算係脆嘅。個鐵板意粉夠熱嘅，意粉軟硬算係適中，正正常常咁啦。焦糖疏乎厘pancake，d 焦糖太少，因此令個pancake 變得普通。五人除開，一人160蚊。不過不失。