影片
更多
2021-11-20
39 浏览
食過上環店覺得唔錯，所以覺得可以試埋旺角店。見佢有西式野食，忍唔住叫左個羊扒。炭燒羊扒（七成熟，黑椒汁，薯條）擺盤好靚，拍得住好多西餐廳。配菜仲要有秋葵，原粒蒜頭，有調味而且焗得剛剛好。薯條係幼薯條，新鮮炸夠脆。重點的羊扒有4件，肉夠稔，唔算好羶。黑椒汁係焦點，唔係普通頹飯黑椒汁，係真係夠辣夠香的黑椒汁。天婦羅軟殼蟹忌廉汁天使麵有大量紫菜鋪面，要襯熱食，如果唔係忌廉汁會好快痴埋一堆。忌廉汁唔係普通白汁，真係有忌廉香味，有少少似淡版的卡邦尼意粉，所以食落唔會太膩。天使麵份量好多，爭少少食唔晒。奇味雞煲煲仔麵見到煲仔麵就忍唔住想試，雞滑，麵煮得剛好透透地，豆卜都好入味，如果辣d會好味d。奇異果烏龍餐廳提供好多特飲，我試左杯奇異果烏龍。好多奇異果肉架，仲要係金奇異果，甜甜地又澀澀地幾解膩。紅豆冰去冰室最鍾意飲紅豆冰，紅豆超多，多到食唔晒。
炭燒羊扒（七成熟，黑椒汁，薯條）
擺盤好靚，拍得住好多西餐廳。配菜仲要有秋葵，原粒蒜頭，有調味而且焗得剛剛好。薯條係幼薯條，新鮮炸夠脆。
重點的羊扒有4件，肉夠稔，唔算好羶。黑椒汁係焦點，唔係普通頹飯黑椒汁，係真係夠辣夠香的黑椒汁。
天婦羅軟殼蟹忌廉汁天使麵
有大量紫菜鋪面，要襯熱食，如果唔係忌廉汁會好快痴埋一堆。忌廉汁唔係普通白汁，真係有忌廉香味，有少少似淡版的卡邦尼意粉，所以食落唔會太膩。天使麵份量好多，爭少少食唔晒。
奇味雞煲煲仔麵
見到煲仔麵就忍唔住想試，雞滑，麵煮得剛好透透地，豆卜都好入味，如果辣d會好味d。
奇異果烏龍
餐廳提供好多特飲，我試左杯奇異果烏龍。好多奇異果肉架，仲要係金奇異果，甜甜地又澀澀地幾解膩。
紅豆冰
去冰室最鍾意飲紅豆冰，紅豆超多，多到食唔晒。
张贴
