Wheatfield X 羅宋湯專門店 (MOKO新世紀廣場) (已結業)

大食妹好鍾意食港式鐵板, 其中一個原因係因為超級鍾意飲羅宋湯可惜港式鐵板裏面, 羅宋湯只不過係一個配角, 次次大食妹都飲得唔夠盡興今次終於比我搵到呢一間WheatfieldX羅宋湯專門店<廚師推介套餐>大食妹就嗌咗呢份廚師推介套餐套餐包括心水湯類一款、脆豬仔包一款同餐飲心水湯類主要有三款, 分別係海派羅宋湯、清雞湯同健怡紅菜頭湯<海派羅宋湯(牛腩)>大食妹當然揀咗海派羅宋湯, 呢款羅宋湯仲可以揀要牛腩定豬髀肉, 大食妹揀咗牛腩海派羅宋湯好足料羅宋湯微辣而質感濃厚牛腩幾肥美, 軟而不爛仲有好多雜菜添<香煎豬扒脆豬仔包>脆豬仔包就四揀一, 餡料選擇有香煎咸牛脷、汁燒豬髀肉、香煎薄牛扒同香煎豬扒大食妹嗌左香煎豬扒脆豬仔包香脆嘅豬仔包裏面有生菜、蕃茄同啖啖肉嘅豬扒, 配搭經典沙律醬, 正<凍奶茶>跟餐嘅凍奶茶都好滑, 甜度適中