Wheatfield X 羅宋湯專門店 (漢宮閣) (已搬遷) 新店位置

星期五同老公出街食晚餐，去左屋企附近既Wheatfield X 羅宋湯專門店。我地見到有個$178優惠二人套餐，相對抵食啲，就叫左呢個，留意再有加一服務費。牛腩羅宋湯配麻辣底撈菠菜麵 羅宋湯非常足料，有好多唔同種類既蔬菜，湯好濃郁，比較稠身，一碗跟牛腩，一碗跟豬髀肉片。麻辣底撈菠菜麵撈完好香好滑身，好好食。咸牛脷脆豬仔包配豬髀肉羅宋湯牛脷都幾軟熟，豬仔包堅脆身，夾住生菜、番茄、沙律醬，唔錯。小食拼盤有迷你蝦多士、秘製炸雞翼、麥田薯仔沙律，最鍾意炸雞翼，好惹味。餐飲兩杯都要熱檸茶。