Wheatfield X 羅宋湯專門店 (青衣城) (已結業)

約左朋友係青衣城呢間羅宋湯專門店食晚飯，見到有羅宋湯可以配唔同既配搭，除左羅宋湯外，仲有清雞湯和紅菜頭湯選擇。我地要左一個豬髀肉羅宋湯配烏冬湯麵，一個豬髀肉羅宋湯配拉麵撈麵，仲追加兩個配菜：麻辣收雞柳絲和香煎薄牛扒。羅宋湯有少少辣，湯料非常豐富，有多款蔬菜，整個湯煮得好入味，好濃郁既湯。豬髀肉有三片，雖然豬髀肉冇肥肉，但食落一啲都唔柴。烏冬和拉麵既麵質煙韌，配上秘製醬汁，味道香濃好食。餐廳仲有急凍湯包出售，加熱後可即食，好方便地就可以飲到一碗熱辣辣既羅宋湯。