Cakebearbear (已結業)

如果你想搵一間有特色又舒適嘅餐廳，可以同朋友聚會傾偈，呢間餐廳會係你嘅好選擇。餐廳嘅佈置好得意，全店都係熊仔嘅主題，座位上佈滿唔同款式大小嘅熊仔，員工制服有熊仔，連紙巾都有熊仔icon。充滿童趣。餐廳燈光柔和，氣氛溫馨， 一入到餐廳就已經放鬆心情。白酒牛油煮蜆係一個法式菜式，用新鮮嘅蜆同白酒、牛油、蒜頭、香草等煮成。呢個菜式香氣撲鼻，蜆肉彈牙，味道鮮甜，推介～腐乳卡邦尼意粉用腐乳同芝士做醬汁，意粉煮得彈牙，醬汁香濃，有一種中西合壁嘅感覺。紐西蘭草飼肉眼配薯蓉肉眼煎得剛好，肉汁豐富，薯蓉滑溜，份量十足。小熊特飲 - 初戀士多啤梨牛奶配熊仔冰塊，好得意又好飲，士多啤梨牛奶甜甜地，熊仔冰塊係用果汁凍成，唔會稀釋咗飲品嘅味道。