就決定試下。一搭電梯落地庫，望向左邊就見到大大個火車頭，勁容易認到。就嚟萬聖節，火車頭都有萬聖節佈置。入到餐廳，裝修都好似去咗泰國咁，有好多細緻位，如有個路牌擺咗喺餐廳入邊，周圍都有好多擺設。
因為勁想食海鮮，見到佢個孖寶套餐有好多海鮮揀，所以就揀左牛油蒜蓉燒聖子和燒脆皮白鱔。
蟶子: 勁香牛油蒜蓉味， 上邊配上脆脆嘅白飯魚，食落去個口感又香又脆
白鱔: 烤得勁香，塊皮好脆，有燻香味，咬落去又厚又多汁，口感好好，配上醬汁，特別惹味
因為有人無肉不歡，我地揀咗青咖喱豬頸肉，豬頸肉有勁多，食極都有。至於個青咖喱汁，都算幾辣，但都仲好香椰汁青咖喱味。
1
