影片
更多
2021-04-16
814 浏览
作為一個foodie成日都會比朋友問有咩西餐推介適合聚會慶祝，主打法式薄餅Crêpe嘅經典餐廳La Crêperie經常都會on the list，我自己都帶過朋友嚟幾次🤣皆因Crêpe無其他西餐咁heavy又可以配搭唔同食材，呢度食過幾次都係樣樣嘢都幾好食，環境又chill，有種法式小餐館嘅愜意🇫🇷，呢日就再嚟encore。Crêpe係源自法國Brittany呢個地方嘅菜式，大部份人都係識Crêpe，原來仲有種叫Galette，係用蕎麥麵粉製成嘅薄餅，屬於無麩質gluten free，通常配鹹食。呢度有成20種唔同配料嘅galette，肉同海鮮都有，當然仲有經典甜食嘅Crêpe，都有十幾款，次次嚟都可以試唔同款🤪Val De Rance Sweet (2%)/Dry (5%)呢度供應唔同酒類、cocktail同ciders配薄餅一齊食，先嚟個蘋果酒同朋友試下，呢個來自法國嘅蘋果酒分2%同5%，我呢啲唔飲酒嘅人都係淺嚐2%算🤣🤣甜甜地好似蘋果汁咁好易入口，5%個隻酒味就濃少少無咁甜。最搞笑係要用碗飲，好似港式戰鬥碗咁😏好有特色Octopus Carpaccio前菜試咗個八爪魚薄切，八爪
Val De Rance Sweet (2%)/Dry (5%)
呢度供應唔同酒類、cocktail同ciders配薄餅一齊食，先嚟個蘋果酒同朋友試下，呢個來自法國嘅蘋果酒分2%同5%，我呢啲唔飲酒嘅人都係淺嚐2%算🤣🤣甜甜地好似蘋果汁咁好易入口，5%個隻酒味就濃少少無咁甜。最搞笑係要用碗飲，好似港式戰鬥碗咁😏好有特色
Octopus Carpaccio
前菜試咗個八爪魚薄切，八爪魚切到薄薄一片，一啲都唔韌，食落酸酸咪咪有啲檸檬汁同橄欖油香味，好開胃。
Goat Cheese Salad
想試啲特別啲嘅芝士呢度都有唔同款式，我就試咗呢個濃味啲嘅goat cheese配沙律，底下都有塊薄餅配埋一齊食，夾埋有濃郁芝士香嘅goat cheese食就好match👍🏻👍🏻面頭有一舊煎過嘅goat cheese，切開仲有少少軟心好正🥰🥰，另外仲有好多切碎嘅goat cheese、parma ham、車里茄、核桃同沙律菜，既有goat cheese強烈味道同沙律嘅清新感，口感層次豐富。
La Moussaillon
Main dish試咗其中一款海鮮類嘅galette，有芒果、蝦、蘆筍，仲有鱈魚打成嘅醬，個鱈魚鹹鹹香香好creamy，令我諗返起係歐洲local market食到個種味道😻，香港好少有，好懷念呀。我鍾意佢嘅galette，食到麥香味，同配料好夾👍🏻
La Plougastel
第一款甜品試咗呢款Crêpe，面頭大大舊rasberry sorbet🍧，酸酸咪咪，同甜甜地啱煎好嘅薄餅齊食，一冷一熱衝擊味蕾，sorbet嘅酸正好一解成餐飯嘅飽滯感。
Crème Brûlée
呢個Crème Brûlée好好食呀😍😍，入面嘅燉蛋蛋香味好濃（其他好多得個甜字又冇蛋味架），口感挺身啲唔會好軟身，所以食落無咁膩，我自己偏好呢種口感，面頭嘅焦糖面燒到脆卜卜，仲有微微焦香，好高質🙌🏻
人均消費：$350
推介指數（10分為滿分）：9分
张贴
