木戶

营业中

休息中

因為疫情關係好耐無得去曰本，好彩發現到尖沙咀棉登徑呢頭有間日式居酒屋，剩係個餐廳外面都感覺自己去左日本咁，真係可以滿足下去旅行既慾望。當晚我同朋友食夜晚，成間野滿座，店員服務好好特登安排左卡位俾我地。呢間岀名食明火串燒同宮崎炭火雞。我地要左個前菜沙甸魚沙律，之後點左雞心，雞頸肉，燒青椒，重點推介要食牛油果豚肉卷，原來兩者配搭幾夾，夠健康。個明太子豚肉都好好食。個吉列蟹腳都好香口，似天婦羅咁，入口啖啖肉！食完個飯團都好飽下，終於到炭火宮崎雞，見到個日本師傅真係不斷用炭火燒佢，夠哂火花，上碟面係炭灰色，食落有炭火味，口感特別，雞件都好多，日本雞好𡟹滑，難怪係呢店既主打！食左成餐飯都物有所值，可以過下日本癮