北海道爐端燒 (已結業)

今日兩公婆拍下拖,去左一間一直想試既爐端燒居酒屋,無奈每次黎都因為太多人而放棄,難得太太今日早收工,終於有機會黎試下~店內放既燈籠真係好日日本FEEL, 加上餐廳內既裝飾完全係日本居酒屋既設計,感覺真係幾似去左日本~呢度放晒清酒樽黎做WALL~ 真係幾型!黎呢度既主要原因,有一半原因係為左食呢個而黎,呢個叫做北海道甲羅燒,非常足料,在蟹蓋上放置左蟹膏蟹肉同埋鵪鶉蛋! 望落都流晒口水~職員仲好細心咁幫我地放上網磯燒,佢話大約3-4分鐘就可以食得,磯燒後撈埋一齊食就更惹味!3分鐘過去,輕輕撈埋後,蟹膏味極香! 一大啖放入口簡直又邪惡又美味!一啲都無腥味!明太子牛油魷魚鬚,炒得好香,完全炒得剛剛好,最特別既地方係佢用明太子來點綴,魷魚有一種天然既咸香, 魷魚鬚爽口!煎魚鮫係我去食日本野必點之一,呢度既魚鮫味比較濃,表層煎得好香口,入面既白身魚肉鮮嫩!唐揚雞塊,係呢度既招牌菜之一, 初初見賣相唔算好特別,但食落暗藏玄機,表面既雞皮係非常脆口,入係熱辣辣既嫩雞肉,而且係有雞汁既JUICY~唔係乾既! 基本上不用任何醬料都已經夠晒好味!我們分別叫左3款壽司,分別係海膽軍艦,蟹棒蟹籽壽司及左口魚邊!