影片
更多
2021-11-27
663 浏览
係 社交平台見到浩海立方探遊館既介紹即刻俾海底世界咁既環境吸引左，原來journey with seajellies 呢個體驗係全新，我哋好好彩係試業其間 book 到個無敵勁靚水母tank既中間位用餐。餐廳門口揭開厚重嘅布簾， 幽暗環境之下，大家既目光集中晒係充滿海洋光彩嘅水母屏幕，玻璃之下竟然係一粒粒可可愛愛，真實隨著流水浮動嘅水母。坐係鎂光燈之下同水母用餐，有種置身海洋公園家加teamlab嘅即視感。我哋一早就預訂左兩個一人餐，有更多main course選擇，當然二人餐價格更相宜。由先前菜係海龍王沙律， 西蘭花凍湯之上放上用鹽稍為調味既蟹肉同魚清啫喱，品嚐到蟹肉既鮮甜。另一道浩海三重奏好特別，咸香既煙三文魚包裹酥炸魚皮，表面點綴黑魚子醬連同伴碟酸忌廉，又惹味又開胃。食完前菜就黎兩個湯，熱辣辣龍蝦奶昔用玻璃咖啡杯盛載， 煮得濃郁嘅龍蝦湯加馬斯卡邦尼芝士忌廉呢個組合不能不好飲，完勝大部分西餐廳。 令我哋非常驚喜嘅反而係碟上餐包， 睇落好硬嘅一條小麵包，竟然口感柔軟，喜出望外係入面有更柔軟嘅芝士， 芝士味唔會太濃，適合沾上龍蝦湯一起吃， 冬天黎食呢個湯真係會好滿足。甜粟米濃湯加鴨肝燉
係 社交平台見到浩海立方探遊館既介紹即刻俾海底世界咁既環境吸引左，原來journey with seajellies 呢個體驗係全新，我哋好好彩係試業其間 book 到個無敵勁靚水母tank既中間位用餐。
餐廳門口揭開厚重嘅布簾， 幽暗環境之下，大家既目光集中晒係充滿海洋光彩嘅水母屏幕，玻璃之下竟然係一粒粒可可愛愛，真實隨著流水浮動嘅水母。坐係鎂光燈之下同水母用餐，有種置身海洋公園家加teamlab嘅即視感。
我哋一早就預訂左兩個一人餐，有更多main course選擇，當然二人餐價格更相宜。
由先前菜係海龍王沙律， 西蘭花凍湯之上放上用鹽稍為調味既蟹肉同魚清啫喱，品嚐到蟹肉既鮮甜。另一道浩海三重奏好特別，咸香既煙三文魚包裹酥炸魚皮，表面點綴黑魚子醬連同伴碟酸忌廉，又惹味又開胃。
食完前菜就黎兩個湯，熱辣辣龍蝦奶昔用玻璃咖啡杯盛載， 煮得濃郁嘅龍蝦湯加馬斯卡邦尼芝士忌廉呢個組合不能不好飲，完勝大部分西餐廳。 令我哋非常驚喜嘅反而係碟上餐包， 睇落好硬嘅一條小麵包，竟然口感柔軟，喜出望外係入面有更柔軟嘅芝士， 芝士味唔會太濃，適合沾上龍蝦湯一起吃， 冬天黎食呢個湯真係會好滿足。甜粟米濃湯加鴨肝燉蛋，幾清甜，平衡番龍蝦湯既濃厚。
食完個湯起身行下鏡房，有一個個圓柱形既水族箱，百幾隻水母係度游黎游去，影相出黎超級igable. 再行過去仲有唔同品種水母既屋企，個人黎講覺得煎蛋水母最有性格，用佢既煎蛋面吸住 玻璃面，變左反蛋，淨係得一粒水母見到個煎蛋樣。
睇完番去食主菜，珍寶虎蝦意大利麵用菠菜, 鮮茄海鮮汁煮得剛好，珍寶虎蝦煎得好香。香菇魚柳湯係香菇清湯放上煎封魚柳, 大蜆鮮甜, 墊底竟然有啲薏米，一粒粒幾有咬口。
最後黎個份量剛好既芝士蛋糕，配上紅茶簡直係完美既一晚。
张贴
