韓珍 (帝國中心) (已結業)

今晚想食韓國菜，搵到呢間由韓國人主理既韓國餐廳， 去食正宗既韓國菜。我地冇揀到韓燒，叫左醱酵鮑魚人蔘雞湯 、鐵板小章魚五花肉同鮮牛腸牛肚粉絲辣湯。一黎有好多款韓式前菜，分別有泡菜、 翠肉瓜、辣薯仔、生菜沙律、芽菜、魚糕片，全部都不錯吃。醱酵鮑魚人蔘雞湯好好飲，唔油膩。雞入面有糯米，另外都有一碗白飯，配住雞湯食一流。而且雞肉好嫩滑，連啲雞骨都勁軟腍。鮑魚爽口彈牙。鐵板小章魚五花肉會有專人係你面前幫你炒。小章魚好好食，好爽口又入味，口感唔硬，五花肉份量好多，十分邪惡。鮮牛腸牛肚粉絲辣湯勁大煲，牛腸牛肚食極都仲有甘，兩者都夠腍，唔會粉同冇腥味。粉絲索晒啲汁好好食。呢間食得出係用新鮮既肉，而且侍應服務態度又好，想食韓國野可以黎呢到。