掛住一號風球，放工同同事搵地方吹水，吃個下午茶。
咁岩經過呢度，見人少少，又未食過就入黎。
脆脆豬呢個名都幾得意，雖然都知係包都一個，但都好想試下，於是就點左一個。
同事個車仔麵已經上左好耐，都食左一半，我個脆脆豬仲未黎…
薯條熱喇喇，又平平無奇。但勝在幾大條！
後來問個老闆我個脆脆豬去向如何。
原來，老闆唔記得左同我講一早無晒脆脆豬，問我轉多士得唔得。
我心諗：「下，有得唔得咩？」，再答，「好，唔緊要…」
多士終於出現喇。
一塊好明顯喇喇聱旱出黎，是但加Ｄ煉奶既多士。
呢個時候，侍應開始同其他食客講唔好意思，因為要提早放工。
我們好趕咁食晒所有野，比錢走人。
基本上，呢度服務態度幾好。
只不過，可能佢地可能太掛住收工…呵
