韓牛牧場 (已結業)

韓牛牧場 - 銅鑼灣💁🏻‍♀️今日去登龍街就唔係食拉麵，而係去好出名嘅大廈食韓燒。🥩🤭一坐低就梗去出去自助吧拎嘢食啦，冷盤種類非常多，韓式泡菜，芽菜，蓮藕，海帶等等全部都係正式韓式味道，想食清啲嘅仲可以揀沙律菜🥗🥤隔離又有自助飲品櫃拎嘢飲，韓國乳酸，忌廉，烏龍茶等等非常多選擇，仲可以加錢飲韓國啤酒添。返去坐低就有4樣嘢跟套餐送🔴6色刺身拼盤分別有油甘魚，三文魚，帶子，甘蝦，八爪魚同希靈魚，全部都好新鮮而且係厚切無慳皮。🟠4合海鮮燒烤拼盤有海蝦，青口同沙白蜆。🟡手作刺身韓牛壽司韓國生牛肉他他壽司，一口一件，好過癮。🟢韓國醬油蝦爽口香甜貴價嘢，醬油味濃仲配左少少蔴油，風味十足。之後就梗係叫嘢韓燒啦！🔵韓式醬醃安格斯牛仔骨肉質滑，🟣韓式醬醃安格斯牛胸肉爽口肉味濃，⚫️韓式醬醃牛小腸煙韌入味，⚪️海鹽牛舌驚喜係厚切有肉汁，🟤韓式五花肉原來係豬腩片，不過仍然肥瘦適中，🟡雞皮串燒到乾身脆口，非常惹味，韓式雞中翼燒到皮脆但內裡仍然濕潤🥣最後叫個韓式大醬豬肉湯暖下胃就非常完滿正當諗住走嘅時候竟然比我見到雪條櫃，有好多種韓式雪條🍨任揀，每款出面買都唔平架，我就梗係食返條先走啦！