潮州鹵漢大飯店 (已結業)

成日打邊爐都係台式、日式（當然無論食幾多次我都係咁愛🙈），無諗過原來鹵水都可以做湯底打邊爐！最近有一間火鍋店突圍而出，主打潮式火鍋，招牌鹵水鍋打邊爐任食任飲，自助區仲有好多熱盤同飲品，連啤酒都任飲。特別推介汁醃海鮮，令我對潮州菜刮目相看😍重點推介 🔥 👍 汁醃海鮮一坐低餐廳會送上一份5小碟潮州汁醃海鮮，我地當日收到嘅有海蝦、蟶子、墨魚仔、三文魚刺身，同埋刺身拼盤。海鮮用醬油、辣椒等浸過，辣辣地好惹味，開胃一流！如果嗌A/B餐，仲可以任食添🤩👍120分鐘鹵水任食放題｜C餐極品和牛$298/位我地今次食咗中間價位嘅C餐，肉類、海鮮、丸類都有。牛肉種類好多，包括澳洲M6極品和牛、手切封門柳、安格斯牛小排等，牛肉味道濃且肉質唔錯。我自己特別推介魚類：爽脆白鱔片、手切脆鯇魚片、爽脆脆鯇骨腩，呢幾種平時打邊爐好少見，街市買都貴，食多幾round回本之選。我地今次揀咗招牌鹵水鍋湯底，各種材料配上鹵水湯底都好夾，而且好入味，平時真係好少有機會試到。📍潮州鹵漢大飯店 旺角彌敦道620-628號瓊華中心8樓