El vaso de oro hk

早幾日去咗上環一間叫 EI Vaso de Oro HK嘅西班牙餐廳，試咗幾款菜式，整體感覺幾好！首先係 醃青口，酸酸哋幾開胃，青口肉質鮮嫩，食落好清爽😝跟住試咗個自家製鴨肝醬，質地好滑，搽落脆脆嘅多士度，味道濃郁得嚟又唔會太膩，幾正👍👍
再嚟係蒜香蝦，蒜香味好突出，蝦肉彈牙，仲有啲蒜片炸到脆脆哋，撈埋一齊食好香口！
個可樂餅都唔錯，外皮炸得
金黃酥脆，入面嘅餡料暖笠笠，口感豐富
黑松露火腿三文治係一款簡單但好食嘅小食，火腿同芝士夾埋一齊，烘到外層微脆，食落好滿足。主菜海鮮燴飯係重頭戲，飯粒吸收晒海鮮嘅精華，啲蝦、青口同魷魚都好新鮮，份量亦足，兩個人食啱啱好🤭
飲品方面，試咗柚子汽泡茶，清新得嚟帶少少柚子香，解膩一流。另外仲試咗杯 White Sangria，果香味濃，飲落好清爽，好適合配海鮮念甜品焦糖布丁配雪糕都唔錯，布丁滑溜，焦糖味香濃，加埋雪糕一冷一熱，口感好特別😝