漁吉海鮮丼專門店 (已結業)

🍄🍄因為係觀塘工作，所以好多時都會係觀塘覓食，又到一間位於工廈既日本食堂。呢間標註用日本米既丼飯壽司店，地方唔算大，由於係樓上鋪，所以唔係有朋友介紹，真係未必識得搵！既然一場黎到，好想試下丼飯既質數！丼飯選擇都不少，睇圖片都覺得很吸引！但吸引到🍄🍄既係最貴既龍王丸（有原隻熟龍蝦、三文魚、左口魚群邊、帆立貝、三文魚籽等）因為覺得呢款唔係咁多日式丼飯店會有既選擇。🍄🍄既朋友就揀左散叫壽司。飲品方面免費的有提供熱水。🍄🍄另外再叫多一樽青森蘋果汁！因為即整，所以都要等一段時間。但上枱既時候真係好有驚喜，打卡一流！比🍄🍄想象的大碗。先嚐🍄🍄喜歡的龍蝦，龍蝦肉帶點醎味，感覺味道一般，其他刺身配料🤔份量足夠、刺身新鮮。飯既份量一個女生已很足夠，略嫌失望的是飯沒有暖感，有點硬，亦沒有醋味🧐以有龍蝦來說的丼飯，價錢是可以接受，味道有改進的空間。