整體裝修佈局幾優雅，放左一d中式擺設做裝飾，而當日坐既卡位亦非常闊落，坐得非常舒服；此外，餐廳杯杯碟碟好乾淨，連洗手間都好企理，衛生水平相當高，服務環境屬中高檔次
食物方面，我地嗌左「招牌紅燒乳鴿」，皮脆肉嫩，一食落去肉汁爆哂出黎，而蝦片都炸得香口，果然係鎮店之寶
另外，我地點左「鮮果脆皮黑豚肉」，又一驚喜之作，黑豚肉肉質鮮嫩，而且師傅將外皮炸得好爽脆，淋上酸甜汁，實在是難以形容既美味！
「黃金蝦炒飯」亦不負我所望，炒飯炒得乾身，而且富有鹹蛋黃香，蝦仁亦新鮮爽口，非常美味
最後，餐廳仲送左兩碗免費糖水，綠豆沙好足料，原本想嗌芝麻卷，但因為太飽既緣故，唯有下次再試！
