新興泰國小食 (已結業)

向來食泰國菜都是在九龍城覓食，今日跟雜誌介紹到觀塘呢個室內街市食隱蔽泰菜。同老公兩個人點左冬蔭功湯河($40)、炸蝦餅($30)、咖哩炒蟹($85)同龍眼冰($5@)。冬蔭功湯好好味，唔算太辣。炸蝦餅味道不錯但嫌不夠彈牙。不得不提個炒蟹，隻蟹超大超多膏，咖喱汁超香(直情想打包返屋企點麵包做宵夜)，呢個價錢抵得爛。龍眼冰平得令人難以置信，好飲又唔會太甜。野野分量都好大，食完飽到反艇咁滯先至$176。一定會再黎，仲要叫一班人黎可以試多d野。以後都似乎找不到千里迢迢去九龍城食泰國菜的理由。well，或者都會去小曼谷買杯椰皇沙冰嘅。