等等HEA

营业中

休息中

呢日同女朋友食呢間「等等Hea」，今次試咗佢哋全新台式經典美食放題。.放題食物同飲品大約有40款，而且而家仲有魔王級芫茜放題😍🤪。芫茜鹽酥雞、芫茜蛋餅、芫茜芋圓都有。.我哋仲加咗$18食番茄烤魚🍅🍅🍅。.魚肉好嫩，食得出好新鮮。而番茄湯亦比想像中惹味。.放題食品方面，我哋食咗蚵仔煎、花枝丸、芝麻雞翼、麵線。.蚵仔煎有唔少大隻嘅蠔仔，都幾鮮味。花枝丸爽口彈牙。.芝麻雞翼香脆又多汁。.麵線口感同味道都好好，仲有唔少豬腸。加醋更好食。店員仲叫我哋加辣椒醬🌶食，原來佢哋用緊嘅辣椒醬係台灣阿宗麵線出品，相當有心思。.我仲試咗佢哋嘅蜜桃紅茶🍑，清甜消暑。