夏雪 (已結業)

最近迷上了窝夫，我指的是有雪糕响上面果种，出面食开10间有9间个窝夫都系冻冰冰兼硬既，所以我落单时特别问一下个窝夫情况，结果令我喜出望外！我最想食到热辣辣窝夫 (当然唔会系放雪糕响上面果件)，其实呢个要求唔系好难啫，只要店铺用心即做，兼且预先做好伴碟，新鲜出炉窝夫就可以呈现客人面前。Japanese Style Waffle ($65)甜品一上枱，相机食完之后，我第一时间试窝夫，果然无令我失望，窝夫外脆内软，系我从未体验过 (当然除咗街果d夹饼)，绿茶味淡淡溢出，配上香滑淡忌廉，令我食唔停口。除此之外，绿茶雪糕亦系另一卖点，绿茶味道比较重，香软但唔易溶，整体嚟讲，我十个满意呢个甜品。后记：开放式厨房见到一班充满热诚干劲既年青人，成为我下次再会帮衬既原因之一。