香江大酒樓 (已結業)

佢可以令我專登去出一個post去寫劣評 可想而知可以去到幾差！ 今晚難得同屋企人食飯 就去間屋企附近既酒樓食喇 7點幾入去 然後落order 落左4個餸 啲餸好似唧牙膏咁出 唔講以為食緊西餐 一道一道咁出 足足出左一個鐘都出唔曬 好唔好食都唔想comments 因為真係比佢搞到冇曬心情食落去 真係為求開開心心食餐飯即 但如果真係要等咁耐點解唔可以同個客講要等咁耐呢 同佢地講話等左成個鐘 得到既回覆係 廚房冧檔啊！ 咁會唔會係關我事呢？ 明知呢個星期多人做節都唔安排得好少少 呢餐真係食到好谷氣 可能去茶記食都唔會咁嬲 如果有心想做落去 唔該安排得好啲 仲有就係 唔只我呢一枱客等咁耐 呢啲大時大節真係唔好去呢度食飯喇