影片
9月29日晚，与家人庆祝中秋节，在香江大酒楼订了2围，一行24人，当晚上菜速度，一个菜要等30分钟，酒楼经理都不停向我们致歉及协助跟进，我们都体谅及明白。家人在30/9早上，发现昨晚食饭时，遗留了一盒家人送礼的月饼在酒楼，于是尝试致电酒楼查询，酒楼接电话职员回覆：（有同事收工将月饼带咗返屋企）安排我哋明天中午12:00到酒楼查询，到时联络酒楼黄小姐到了1/10 13:00左右，我们到酒楼找黄小姐查询，黄小姐即时回覆：（我哋同事冇将月饼拎返屋企，我们当晚执到月饼盒是空的，会唔会你哋屋企人聚餐时已食咗，我地见到月饼都惊，点会我哋食咗。）对于酒楼既回应，我们都表示不满，一肚气希望酒楼有关部门能够协助处理我们的不满
继续阅读
已经唔系第1次‼️‼️。母亲节第一次黎饮下午茶当时无乜客，仲有好多空枱于是问阿姐可唔可以坐大张少少当时阿姐已经好大声喝我：坐𠮶张呀！我以为佢听唔到，我就问多次又系好大声喝我：呢张唔得呀！坐𠮶张！。𠮶次体验已经十分差。今日再去，提早饮个父亲节茶又系无乜客一开始叫左叉烧包，黎错左鸡仔包算啦，以为自己落错单就照食。隔左阵加单要牛肉球同奶皇包点知又黎左虾饺即时同位男经理讲当时佢态度都系好差黑口黑面好似我地欠左佢咁。然后佢印张单出黎比我地对发现一开始叉烧包𠮶度真系厨房出错左然后第二次就系楼面落错虾饺咁我地就叫佢地加返牛肉球。于是，我地等呀等呀等左半个钟就追佢地个牛肉球同奶皇包阿姐话做紧。好喇，到40分钟我地问阿姐阿姐竟然大大声话：厨房好忙咖！下？厨房忙？一来当时好多空枱二来你厨房忙关我咩事？我地等咁耐仲要比你喝狗咁喝？于是我地话要取消个阿姐又话：咁你直接去埋单啦！。听完我同屋企人都好嬲埋单时同门口阿姐讲个阿姐就话：佢系咁咖，讲野大大声但无得到任何道歉或一句唔好意思。真心嬲，唔会再有下次‼️‼️
继续阅读
佢可以令我专登去出一个post去写劣评 可想而知可以去到几差！ 今晚难得同屋企人食饭 就去间屋企附近既酒楼食喇 7点几入去 然后落order 落左4个𩠌 啲𩠌好似唧牙膏咁出 唔讲以为食紧西餐 一道一道咁出 足足出左一个钟都出唔晒 好唔好食都唔想comments 因为真系比佢搞到冇晒心情食落去 真系为求开开心心食餐饭即 但如果真系要等咁耐点解唔可以同个客讲要等咁耐呢 同佢地讲话等左成个钟 得到既回覆系 厨房冧档啊！ 咁会唔会系关我事呢？ 明知呢个星期多人做节都唔安排得好少少 呢餐真系食到好谷气 可能去茶记食都唔会咁嬲 如果有心想做落去 唔该安排得好啲 仲有就系 唔只我呢一枱客等咁耐 呢啲大时大节真系唔好去呢度食饭喇
继续阅读
早前约了朋友在青衣午饭相聚，有人提议到长发商场的香江大酒楼。今天是星期六已见有很多食客在等位，酒楼占5楼全层的一半，面积都很大装修有点旧。今天点了一个套餐，计有烧鸭半只、豉椒炒牛河、蕃茄煮菜芯， 点心三款:叉烧包、排骨和牛肉肠粉。最先来的烧鸭仍是暖暖的，而且 烧鸭酱汁的味道很香浓，并且已渗入鸭肉内，鸭肉嫩滑亦不算太瘦有点肉。豉椒牛河的河粉尚算幼滑，但主角的牛肉质量不好太多筋，有一半牛肉都咬不动。用蕃茄来煮菜芯，个人感觉就有点怪怪的，而且菜芯亦有点煮得过稔没有咬口感。三个点心的叉烧包外皮甜美，叉烧馅亦很多。排骨肥瘦肉比例均称，遗憾是有点蒸得过老的感觉。牛肉肠粉皮不算厚但有点粗，内牛肉馅料亦算多，味道就一般般。总结今个午饭以屋邨商场来说，酒楼地方坐得舒适，而且价钱相对经济，食物的质与量都中间水准，下次都会再来一试。
继续阅读
今日谂住带爸妈去饮下午茶，一入去冇人带位，门口职员挂住倾计，唔望你只系来手飞左张点心纸俾你。我地自己行入去，揾左张枱坐低，但系有职员话你地咁少人唔好坐咁大张枱，（𠮶张枱系四人枱，我地三个人）佢指左我地去坐另一张枱。跟住又话我地做咩唔坐前面，我话前面冇枱，佢死都要我地起身，我问佢前面边张枱，佢话你唔起身点话你知，跟住我地起左身，佢就行开左，冇带我地去一张可以坐既枱，我地行到去前都系冇枱！结论：都未食野已经唔推荐，永久blacklist!
继续阅读