影片
更多
2020-09-12
1992 浏览
话说疫情之后好耐都冇出过街食饭， 第三波疫情缓和咗， 于可以出街食个晚饭轻松下。由于成日喺屋企食啲清淡嘢， 都想食番啲惹味啲嘅开心吓， 于是就拣咗呢一间《吞Pot鸡煲火锅住家菜》， 相信钟意食鸡煲嘅朋友对呢一间吞POT都唔会太陌生， 餐厅位于油麻地誉发大厦高层，食饭之余仲可以饱览一下日落美景。疫情之下，餐厅防疫措施做足， 探热同酒精搓手外， 提供咗 滚水畀客人洗下啲碗筷，食得安心。我哋选择咗重庆麻辣鸡煲(大辣) ，果然有料到，红椒干加上辣椒油， 一片通红，食落够麻香，花椒麻醉了味蕾，够晒刺激。 而且辣得黎又唔会抢咗鸡煲嘅香料味，够晒惹味。另外， 鸡件嫩滑，可谓啖啖肉， 就算系鸡胸部分都保持到水准。另外仲叫咗脆肉鲩片， 脆肉鲩片食起嚟有少少骨，食起黎要小心。 由于砌得好簿， 轻轻灼一灼至微微屈曲就可以食， 食起来相当之爽口，夹埋少少蒜葱嚟食，既可以撇除泥味，亦可以提鲜。要食得健康又点少得蔬菜呢？ 食鸡煲嚟讲我就最钟意皇帝菜， 因为钟意佢够味，黄帝菜独特嘅香气唔会咁容易被鸡煲抢去风头， 而且芫茜一样同辣味非常之夹。必点项目一定系推介嘅爆芝响铃， 本身热辣辣嘅响铃都令人难以抗拒， 加上里面夹
由于成日喺屋企食啲清淡嘢， 都想食番啲惹味啲嘅开心吓， 于是就拣咗呢一间《吞Pot鸡煲火锅住家菜》， 相信钟意食鸡煲嘅朋友对呢一间吞POT都唔会太陌生， 餐厅位于油麻地誉发大厦高层，食饭之余仲可以饱览一下日落美景。
疫情之下，餐厅防疫措施做足， 探热同酒精搓手外， 提供咗 滚水畀客人洗下啲碗筷，食得安心。
我哋选择咗重庆麻辣鸡煲(大辣) ，果然有料到，红椒干加上辣椒油， 一片通红，食落够麻香，花椒麻醉了味蕾，够晒刺激。 而且辣得黎又唔会抢咗鸡煲嘅香料味，够晒惹味。
另外， 鸡件嫩滑，可谓啖啖肉， 就算系鸡胸部分都保持到水准。
另外仲叫咗脆肉鲩片， 脆肉鲩片食起嚟有少少骨，食起黎要小心。 由于砌得好簿， 轻轻灼一灼至微微屈曲就可以食， 食起来相当之爽口，夹埋少少蒜葱嚟食，既可以撇除泥味，亦可以提鲜。
要食得健康又点少得蔬菜呢？ 食鸡煲嚟讲我就最钟意皇帝菜， 因为钟意佢够味，黄帝菜独特嘅香气唔会咁容易被鸡煲抢去风头， 而且芫茜一样同辣味非常之夹。
必点项目一定系推介嘅爆芝响铃， 本身热辣辣嘅响铃都令人难以抗拒， 加上里面夹埋溶化咗嘅芝士，即有豆香，亦食出芝士咸香， 无论当小食抑或火锅配料都相当适合。
最后点咗非常「索」嘅芋丝，芋丝低卡又饱肚，中和返少少食鸡煲嘅罪恶感。而且炆耐咗嘅芋丝亦相当入味。
总括嚟讲，呢间吞POT绝不吞POT，材料新鲜，可口惹味， 希望疫情过后可以约多啲朋友一齐食啦！
张贴
