影片
更多
2009-09-10
4 浏览
一直有努力食唔同既burger店希望將佢地比較下，我身邊既人都知我自己有一個burger既排行榜，Burgeroom同Monster burger係我既最愛，而freshness burger就......繼兩個星期前同羊同學食完burgeroom後，今日去開北角做野，又有成 2 個鐘既lunch time，所以就要搵下好野食啦。我印象中係記得呢間野，但唔清楚佢既正確位置，行下行下原來佢就係福圓湯圓隔離。我只係行過去拎張pamphlet睇下，老闆同店員即刻問我食過未，我話未，佢地就即刻係度推介，仲話一分鐘就有，咁我諗住還掂未試過就試下啦。由於我非常之唔趕時間，所以就決定坐低慢慢食，佢係出面有個位，不過有d曬.... 好彩今日打風都涼涼地，唔算太熱，而且我呢個人都唔係好怕熱既，所以就坐係出面慢慢食啦。最後要左個芝士磨菇手打牛肉漢堡，同埋一杯熱咖啡，因為我並唔喜歡食薯條所以無叫到套餐。我咁樣散叫佢都係收我 $21，好平喎，因為burger單買都$18啦，唔知佢係咪計我餐定點樣呢，我都唔知，反正我就覺得 $ 21 好抵啦。坐左一陣等左 3 分鐘到就有啦，個包同杯咖啡都好熱，差D辣親個嘴，佢個
繼兩個星期前同羊同學食完burgeroom後，今日去開北角做野，又有成 2 個鐘既lunch time，所以就要搵下好野食啦。我印象中係記得呢間野，但唔清楚佢既正確位置，行下行下原來佢就係福圓湯圓隔離。
我只係行過去拎張pamphlet睇下，老闆同店員即刻問我食過未，我話未，佢地就即刻係度推介，仲話一分鐘就有，咁我諗住還掂未試過就試下啦。由於我非常之唔趕時間，所以就決定坐低慢慢食，佢係出面有個位，不過有d曬.... 好彩今日打風都涼涼地，唔算太熱，而且我呢個人都唔係好怕熱既，所以就坐係出面慢慢食啦。
最後要左個芝士磨菇手打牛肉漢堡，同埋一杯熱咖啡，因為我並唔喜歡食薯條所以無叫到套餐。我咁樣散叫佢都係收我 $21，好平喎，因為burger單買都$18啦，唔知佢係咪計我餐定點樣呢，我都唔知，反正我就覺得 $ 21 好抵啦。
坐左一陣等左 3 分鐘到就有啦，個包同杯咖啡都好熱，差D辣親個嘴，佢個包幾鬆軟，勁香芝麻味，可惜我麻麻地鍾意芝麻，哈哈。一打開見到D芝士同D汁融埋一齊覺得好正呀，D芝士又係拉到條線出黎架，好香，佢唔係好多磨菇，無咩味，但都幾好，起碼好似清DD，如果唔係得舊牛肉同芝士好漏。個牛肉個面煎到好脆好香，但乾左少少，食落去有少少粗糙既感覺，但都有DD肉汁同牛肉味既，都算唔錯啦。
杯咖啡都幾好飲喎，唔係好苦澀，淡淡既咖啡味，都可以接受呀。$21我真係覺得幾抵，食既期間見到好多學生哥黎買，學校附近多食店既學生真幸福，以前我中學幾乎日日都食叫同一間既外賣......
對於我呢D Anti-麥記既人，呢D小形自家制BURGER店，我實會支持你架!!! =)
张贴
