醉胡爐 (已搬遷) 新店位置

對上一次食醉胡爐都兩個月前，今次黎試下另一個鍋-爵士佛跳牆鍋！店員介紹先飲碗湯，好甜好鮮甜，店員介紹原來係因為放哈蜜瓜係底，再加埋花膠同埋鮑魚，好味到飲左兩大碗！一開始先吃小食-老友鬼鬼！幾香口幾好食！牛肉今次就試左牛頸脊，見左點單紙寫牛肉味濃，有口感，就吸引左我試！牛肉味都真係幾夠！唔錯！海鮮方面，揀左馬刀貝，第一次打邊爐食，原來好大隻，好正好新鮮，食落好甜好juicy！蝦滑有鮮蝦係蝦滑入面，另外黑松露丸都好好食！紫菜嚮鈴都幾特別，坊間唔算好多地方都有得食！蔬菜併盤乜都有，份量剛好！仲有新鮮冰菜，大大條好爽口！鍾意打邊爐嘅你，一定要試下！