影片
更多
2018-07-29
471 浏览
繼上次係旺角食平價酒店Buffet感覺不錯，今次我就去了位於尖沙咀山景閣酒店食下午茶自助餐！大家要留意的係，酒店要星期六、日及公眾假期先有下午茶供應架。價位方面$198有熱食及大量甜品，感覺也不錯。我們係星期日3點到達餐廳，見到人流都唔算少，基本上都係香港人(旅客出去食茶餐廳啦)。餐廳的中央就放左各式各樣的食物，大家都急不及待去醫肚了。餐廳的落地玻璃望住城市的景色，夠晒開陽，食得舒服。前菜凍食方面有三文治、沙律、凍蝦等。最受歡迎當然係凍蝦啦！酒店Refill的速度超快手，就算D蝦比人拎晒，5分鐘到職員就會再拎另一盤出黎，值得一讚！係前菜方面，我幾欣賞凍蝦，佢無雪味，而且味道都幾爽口彈牙，難怪隔離枱有山一樣高的蝦殼！唯一要挑剔的係餐廳無魚生供應，想食刺身的你，就要食埋舊飯啦⋯⋯始外，男朋友勁鍾意食餐廳的冷麵，話口感勁爽口，而且個冷麵汁幾香濃。餐廳的熱食有好多我好愛的熱氣野，當中有香酥海鮮袋、香煎免治肉韮菜餅、日式唐揚雞球、日式花枝餅、金蒜椒鹽三文魚頭腩。係咁多熱氣野，我比較鍾意食好香口的韮菜餅，雖然個皮有D厚，不過韮菜的味都幾香。如果熱氣野唔多岩你的話，仲有牛肉燒賣、肉碎炒四季豆及上湯白
我們係星期日3點到達餐廳，見到人流都唔算少，基本上都係香港人(旅客出去食茶餐廳啦)。餐廳的中央就放左各式各樣的食物，大家都急不及待去醫肚了。
餐廳的落地玻璃望住城市的景色，夠晒開陽，食得舒服。
前菜凍食方面有三文治、沙律、凍蝦等。最受歡迎當然係凍蝦啦！酒店Refill的速度超快手，就算D蝦比人拎晒，5分鐘到職員就會再拎另一盤出黎，值得一讚！係前菜方面，我幾欣賞凍蝦，佢無雪味，而且味道都幾爽口彈牙，難怪隔離枱有山一樣高的蝦殼！
唯一要挑剔的係餐廳無魚生供應，想食刺身的你，就要食埋舊飯啦⋯⋯始外，男朋友勁鍾意食餐廳的冷麵，話口感勁爽口，而且個冷麵汁幾香濃。
餐廳的熱食有好多我好愛的熱氣野，當中有香酥海鮮袋、香煎免治肉韮菜餅、日式唐揚雞球、日式花枝餅、金蒜椒鹽三文魚頭腩。係咁多熱氣野，我比較鍾意食好香口的韮菜餅，雖然個皮有D厚，不過韮菜的味都幾香。
如果熱氣野唔多岩你的話，仲有牛肉燒賣、肉碎炒四季豆及上湯白菜豬肉餃可以選擇。我的Best Pick係個菜肉餃，佢的size小小，唔驚太飽，而且個餡料的豬肉，食落的肉汁都幾豐富。
呢個黑松露忌廉汁煮青口係我另一個覺得好食的一味。雖然個黑松露味唔算重，不過個忌廉汁質地幾Creamy，而且都幾香濃，加埋大大舊又飽滿的青口，口感都好Match！
我都知我有D怪架啦，去到酒店食飽肚的米線。不過呢碗用鯊魚骨煮成的湯底好夠味，而且米線幾彈牙，加埋充滿鮮味的海螺及香滑的雞絲，整個配撘非常好食！我係偷左男朋友碗米線一口，就決定自己拎一碗獨食了。
係米線的隔離，大家仲可以Order Crêpe！即製的crêpe都幾軟熟，大家可以放上生果及醬料，都做一份岩口味的甜品。
始外餐廳仲有好多款精緻的甜品，當中除左有一口蛋糕、布丁外，仲有超人氣的朱古力噴泉！我就用竹簽叉住新鮮的蜜瓜、哈蜜瓜，用香濃的朱古力漿包圍住，好食好食！
想食D凍甜品的話，餐廳仲有3款雪糕可以選擇，除左有雲尼拿、朱古力外，仲有好適合係夏天食的芒果味。此外，仲有會令人尖叫的維記雲米池。但我當日飽得濟無用食雪糕，不過我相信呢個係好多人concern的點之一，所以特意Mention(笑)
==============================
鍾意我分享的，我邀請你訂閲我的食評，我會繼續與大家繼續發掘有咩CP高的冰糧！(敬禮)
张贴
