Tapas Brew (已結業)

今晚收工去左happy hour要放下工作既忙碌享受一番茴香蜜汁蒜蓉雞翼伴檸檬汁燒雞翼~我自細中意食~呢個雞翼絕對唔會令大家失望，未上枱既時候已經聞到一股香濃燒雞翼味，令人食慾大增！蜜糖同檸檬配合得天衣無縫，酸酸甜甜，好開胃，配合茴香和蒜蓉調味，提升味道既層次！而雞翼亦唔算煮得過耐，依舊保持到雞肉既肉汁，口感一流！烤西班牙黑豚肋骨餐廳利用左沙律泥做伴菜，減低左肉既油膩感，清新嘅沙律即刻令整個菜式健康好多，紅紅綠綠既蔬菜仲大大提升左整個視覺效果，令人更急不及待想即刻食！可惜，黑豚肋骨略嫌烤得過火，有少少𤓓，感覺有啲熱氣！特色烤乳豬烤乳豬烤得外脆內嫩，卜卜脆既外表下蘊藏嫩滑既豬肉，肉汁又唔會因為烤過耐而流失，配合埋餐廳特製既醬汁令整體味道更佳！而乳豬既脂肪比例比起大型乳豬少得多，所以相對上亦健康得多，但又不失油香味！番石榴汁邊個話Happy hour 一定要飲酒嫁，健健康康嘅果汁都係一個唔錯嘅選擇，而我今次就揀咗番石榴汁，番石榴的營養豐富，含有好多種人體所需嘅營養成分，啱晒注重健康嘅我，番石榴汁味道偏酸甜，解渴一流！