行左十分鐘左右 搵左一陣路
繁華既街 附近好多酒吧 一條特色既小街
黎到一間韓式燒烤 呢度店舖面積唔算好大
感覺舒適 有少少地道韓燒風格
一坐就見到 枱上有前菜 數碟 同生菜
叫左個韓式牛肋骨二人餐
先上頭盤
二件精緻既豆腐 味道清淡 清清口腔味蕾
韓牛廚師沙律 份量大 配上開胃既柚子醬
唔錯 上面既牛肉亦入味 配生菜一起食
沒油膩感
香蔥海鮮燒餅 味道唔錯
邊邊仲係脆身 好味 友人話似酒樓既薄撑
的確幾似 口感再厚實少少
牛肉眼 同牛腿肉 二人份
同牛肋骨
會有staff幫我地燒 完全唔洗自己動手
油煙唔多 燒既時候 會拉低吸油煙管
所以食完 個身唔會臭 呢點值得讚
可以包生菜同佐料一同食 落左少少粗鹽
牛肉既味道會更加出 另有醬油提供
如果有埋韓式辣醬就好
一次過幫你 燒好既肉 會有碟盛住
唯食得慢 肉就會涼左 無咁好食
呢樣係唔夠貼心 我地食得慢既人😂
雪濃湯配上一碗白飯
一開頭以為是濃郁既湯口 一嘗原來係走清甜路線 清清地 清下食完肉既油膩感
白飯煲得太軟 唔太合口味
另一款 水冷麵 清爽口感 麵條煙韌
最後有甜品作結 砂糖核桃 小泡芙
p.s.套餐不包飲品 每人40$汽水任點
