Cafe S (已結業)

喺銅鑼灣遇上長輩即興要黎個寧靜舒適嘅下午茶，諗起Sogo Club樓上嘅Cafe,包保唔迫。  星期六下午嘅日子，去到時滿座，前面只有一pair人等，好快有位，坐半邊卡位，舒服，清靜。  Leisure Set Menu有四款，包飲品。叫再兩款：1）焗芝士火腿厚多士：上枱夠熱，一絲絲嘅芝士非常好吃，配個超迷你沙律菜，清新。2）焗酥皮蘑菇洋蔥雞批：長輩食嘅，佢話非常好吃，熱辣辣，脆面，餡多，仲話要參考喺屋企整，叫我下次叫嚟食。3）飲品叫了凍咖啡：冇比過多嘅冰，不是太濃，味道唔錯。  要喺銅鑼灣搵個清靜又唔迫嘅地方，依度係唔錯嘅選擇。