心意餐廳 (已結業)

二月份嚟食過晚飯, 今日因工作關係約了客人係灣仔, 辦完事之後決定嚟試下心意餐廳既午餐, order咗兩個午餐, 一個雞柳意粉, 一個龍脷魚柳, 頭盆有餐湯和沙律, 跟麵包條, 沙律OK, 湯係...忘記咗係乜嘢豆湯, 以為會好結既, 原來唔結重好好味, 用嚟浸下啲麵包條食重好得意, 雞柳好大件好滑又有質感, 男士都夠飽, 龍脷柳好香份量十足, 個汁配搭得啱啱好, 只係跟薯菜男士可能唔夠喉! 不過原來可以加意粉既, 所以下次有機會再嚟食晏我會轉意粉囉...! 上次嚟已經覺得招呼好, 今日午餐時間好忙, 但係呢度啲侍應都可以好有禮貌又細心, 真係好難得, 所以要讚下佢哋!