Med Chef (已結業)

平時返工壓力大，生活節奏急速，難得見到有令人放鬆既餐廳，膽粗粗就試下。入到去空間闊落，環境舒適，好岩放鬆。一間餐廳重要更係食物！佢盤鐵板雞卷有驚喜，外脆內軟，配合泰式青咖哩汁，好惹味。另外，叫左個白汁海鮮啤酒薯條，薯條外脆內軟熟，每啖滲出淡淡啤酒香味。最後一碟西班牙海鮮炒飯，味道濃郁，米粒好香，又有大大條八爪魚腳做餸，唔會覺得寡。野飲方面，叫左Tiramisu cocktail，飲落勁似蛋糕，咖啡香慢慢滲入口中，令人回味。另外叫左壺Earl Gray, 可以Free Refill。食晒野又有杯茶嘆，坐足成個下就。佢每樣野食都有加CBD，令你個人放鬆，暫張壓力放下，緊張既感覺都無晒。