五月花港台日料理 (已結業)

好耐冇去五花台，特別揀了星期日去食，點知令人失望...想食"赤貝", 以不新鮮為由, 不供應。點了"田螺", 記得上次去食d 田螺，裡面係"腥腥地", 但本身鐘意食, 再叫睇下有冇改善... 但又一次失望, 都係"腥"。"一口豆腐" 真係好"正", 外脆內軟, 外層脆皮辣辣地, 好野味!"日式燒餅"好香, 但要放在最後先食, 因食完一塊已經好飽... 食唔落其他野。枱桌都好迫, 侍應行過都"撞"到我張椅, 好騷擾我呀... 食都食得唔 happy。有食物未食完, 侍應見到碟內"所餘無幾", 就即刻想收人地隻碟, 要同個侍應鬥快話"仲要"先停手, 可惜隔一陣第二個侍應又走埋,做同一樣野, 又要講多次"仲要", 搞到人地想"慢慢食"都唔得, 好煩呀!!總括而言，唔會再去光顧五月花。