影片
更多
2009-08-23
9 浏览
見小小店仔，54笑面咁勁，門面肉酸D都入去試下。環境︰店內得三支光管，陰陰暗暗好似o係貨倉偷食飯盒咁。蚊滋四周飛，但不算太嚴重。叫做有12張雙人檯，唔稱得上舒適。不過以上我其實通通都唔介意，要食環境都唔會去廟街一帶食！餐牌︰餐牌記載o既食物包括西餐有o既意粉、長通粉 加 茶餐廳有o既 豬扒火腿烏冬、湯米之類食品。晚餐有三個，1) 芝士牛肉粒長通粉，2) 黑椒雞扒長通粉，3)xxx 天使麵落單︰坐低，就試下最安全o既 set dinner 1 & 2。（芝士牛肉粒長通粉&黑椒雞扒長通粉）order 後，大概五分鐘，上左一杯薯仔忌廉餐湯，冇乜料，一般好味。一等︰同場坐滿人，左後方有一對外籍男女，後方有一家四口，右後方有一對中國人男女，左方有兩女一男很嘈的年輕人，右方有六人坐檯。除六人檯外，大家差不多時間到達，前後相差唔夠十分鐘。（點解咁清楚附近有咩人？因為等得太耐。）再等︰我地剛坐低外國男女正在飲檸樂，大概十分鐘，外國男長通粉上菜，外國男吃完，外國女仍然等緊她o既天使麵。大概五至十分鐘後，後面一家四口上菜，再過十多分鐘，一家四口吃完，甜品上檯，我地o既長通粉仍未見有起色。再過十分鐘，我地o
環境︰
店內得三支光管，陰陰暗暗好似o係貨倉偷食飯盒咁。蚊滋四周飛，但不算太嚴重。叫做有12張雙人檯，唔稱得上舒適。不過以上我其實通通都唔介意，要食環境都唔會去廟街一帶食！
餐牌︰
餐牌記載o既食物包括西餐有o既意粉、長通粉 加 茶餐廳有o既 豬扒火腿烏冬、湯米之類食品。晚餐有三個，1) 芝士牛肉粒長通粉，2) 黑椒雞扒長通粉，3)xxx 天使麵
落單︰
坐低，就試下最安全o既 set dinner 1 & 2。（芝士牛肉粒長通粉&黑椒雞扒長通粉）order 後，大概五分鐘，上左一杯薯仔忌廉餐湯，冇乜料，一般好味。
一等︰
同場坐滿人，左後方有一對外籍男女，後方有一家四口，右後方有一對中國人男女，左方有兩女一男很嘈的年輕人，右方有六人坐檯。除六人檯外，大家差不多時間到達，前後相差唔夠十分鐘。（點解咁清楚附近有咩人？因為等得太耐。）
再等︰
我地剛坐低外國男女正在飲檸樂，大概十分鐘，外國男長通粉上菜，外國男吃完，外國女仍然等緊她o既天使麵。大概五至十分鐘後，後面一家四口上菜，再過十多分鐘，一家四口吃完，甜品上檯，我地o既長通粉仍未見有起色。再過十分鐘，我地o既通粉終於到了。
份量︰
一次過上了數碟相同o既通粉到我們檯同埋左邊檯，發現每碟份量隨意，每碟大小相差大概30% - 50%。我地兩碟長通粉，份量都不一，相差大概30%。
味道︰
味道方面，只屬一般，未至於難食，但唔值得等超過半小時o既味道囉。一個咁普通o既長通粉，真係唔明點解可以搞咁耐，來來去去都係o個三個晚餐，店仔細細，唔通要儲夠五張單先開爐？好難想像叫set dinner 以外o既食物要等幾耐先有得食。
飲品︰
叫了一杯凍一杯熱咖啡，凍咖啡只係一杯咖啡色的凍水，熱咖啡算係不過不失。
甜品 ︰
Home made cheese cake & 吉士蛋
Cheese Cake 唔算好味，一般Home made味，冇乜驚喜。吉士蛋，普通日本即食雞蛋布甸味。
禮貌︰
店員禮貌同埋反應不錯。
總結︰
好似食法國餐咁，等餐慒先有得食。花一小時，甚至超過一小時，坐o係一個貨倉度食一個味道平平又唔係特別便宜o既通粉，我個人認為非常之唔值得。份量冇一個統一o既標準，睇你好唔好彩。價錢分別係 $52 和 $40，呢個價錢同區、同質素、環境較好、唔駛等咁耐o既都有好多選擇。
呢間小店o係「我的食店」當中已經入左黑名單，唔會再去。
张贴