麵屋丸京

营业中

休息中

丸京食過幾次荃灣個間，深水埗總店第一次食。深水埗店無我最鐘意既地獄指天椒湯底，所以叫返濃湯(豬骨)，麵款同軟硬無得揀，揀左一碗真叉燒同一碗普通叉燒(普通叉燒無特別，真叉燒用慢煮方法去煮所以夠淋夠滑但重肉味)。麵係直麵無鹼水味夠爽，食到最後都唔會淋而且有麵香幾好食。豬骨湯中等厚度少少杰身，仲有少量油脂，但飲落唔覺肥膩，濃得黎又唔會咸，唔小心飲到見底。整碗麵我比90分，如果叉燒可以再香d，個湯再熱多少少就可以95分除左拉麵，深水埗店個炸雞同餃子講真係拉麵店數一數二，可以去到試一個小食。