程班長台灣美食 (已結業)

「程班長台灣美食」， 老闆程班長，之前返咗台灣幫我哋香港人撲口罩，盡心盡力， 雖然而家仍然在台灣，但都派職員嚟香港開舖，喺呢個咁嚴重嘅武漢肺炎疫情底下又開店了。作為程班長的粉絲，當然第一時間幫襯， 一於外帶返屋企食。鐵路便當-炸豬扒便當，豬扒炸得金黃酥香，肉質鬆化軟嫩，便當內仲有香口的肉燥、爽脆的椰菜、入味的滷蛋，極其美味。清燉半筋半肉牛肉麵，湯底超級清香美味， 牛肉味道超級香濃，不論係牛肉或者牛筋 都煮得好淋滑，我好肯定的說，係完全冇得輸。