譚仔雲南米線 (廣源商場)

廣源商場嘅譚仔雲南米線
係一間同其他譚仔好唔同嘅一間譚仔
呢間無論早午晚任何時段
都係冇服務可言
任何時間都係唔夠職員
堂食可以坐低之後10分鐘都冇人理你
明明係繁忙時間
收銀處職員都係平行時空咁樣
不停撳緊收銀機
又有職員好有心機咁整好自助水機隔離啲杯
就係冇人理吓堂食嘅食客

幾經辛苦終於有人嚟落單
但係職員又唔熟點餐機操作
已經慢慢咁講咗兩次要咩
去到覆單都係有野錯
不過都要讚返 起碼佢有覆單

雖然堂食有人理你
不過廚房出餐都好快
可能因為都冇乜人幫襯

另外有樣野都幾差
又係因為唔夠職員
所以呢到好耐都唔會有人執檯
就算執咗檯都係抹唔乾淨
成檯都係油