PHI Coffee & Pancake (屯門市廣場1期)

营业中

休息中

@phi.coffee_pancake Love it💞今晚又去食啦！期間限定蜜瓜梳乎厘，新鮮蜜瓜果肉非常鮮甜，旁邊仲有兩粒紅莓酸酸甜甜，都幾開胃。 梳乎厘同上次一樣，水準質素都保持到完美。 食完真係返吾到轉頭，已經覺得酒店自助餐既梳乎厘好似空氣。今次限定蜜瓜，小編當然要試埋蜜瓜梳打，杯上面放左一串蜜瓜都幾特別，不過飲落就真係蜜瓜粒加梳打，稍微覺得蜜瓜味吾太夠，中意淡淡蜜瓜味既朋友仔可以試下。凍抹茶鮮奶，好香濃抹茶味，鮮奶令杯飲品變得好滑，好順口，值得推介。主菜點左巴拿馬火腿蘆筍意粉，小編好中意食巴拿馬火腿，所以今次點左試下，真係同意粉好夾，食埋蘆筍依類綠色蔬菜，即刻覺得好健康，減少罪惡感，哈哈！屋企人點左卡邦尼意粉，成粒溫泉蛋係最上面，仲有芝士，火腿粒，蘑菇鋪滿係上面，撈埋意粉食，每啖都好正啊！依間係小編口袋名單，間中就要黎食下。依間係屯門市廣場1期3樓，戲院附近，非常容易搵，依個環境都好岩打卡。