影片
更多
2025-08-05
0 浏览
老實講，呢間店我已經經過無數次，網上負評如潮，每次都令我卻步。直到最近同事堅持話：「你真係要試吓，唔係你想像中咁。」於是抱住半信半疑嘅心情，同佢走入咗呢間一直被我劃咗問號的韓式麵店〔 排骨辣湯麵 〕一上枱湯色已經吸引。飲落唔算勁辣，但湯底濃郁有層次，辣得溫柔、帶微微甜味，味道厚實得黎唔膩。麵條煙韌有咬口，我幾快就食清晒成碗，同事仲即刻攞我個湯嚟食佢啲麵（佢話自己嗰碗冇咁濃🤣）〔 豬肉蒸餃 〕用蒸籠上，造型加分！餃子體積大大粒，皮厚帶彈性，偏向韓式路線。餡料實淨，唔算多汁，但味道唔錯，熱辣辣食幾滿足。〔 辣牛肉湯麵＋泡菜豬肉餃子（同事食）〕湯底比我嗰碗淡啲，辣度亦比較溫和。泡菜餃味道重口少少，酸香開胃，適合鍾意重味嘅人〔 韓式前菜 〕每份set都包小碟泡菜、醃蘿蔔，份量唔多，但作為開胃小食就剛剛好。—Seoul Noodles 銅鑼灣店空間比預期寬敞，有自然光滲入，坐得舒服。平日 lunch hour 去到都已經七至八成滿，明顯係附近上班族嘅飯堂之一—Seoul Noodles (銅鑼灣)銅鑼灣謝斐道482號兆安廣場地下4-6號舖—
老實講，呢間店我已經經過無數次，網上負評如潮，每次都令我卻步。直到最近同事堅持話：「你真係要試吓，唔係你想像中咁。」於是抱住半信半疑嘅心情，同佢走入咗呢間一直被我劃咗問號的韓式麵店
〔 排骨辣湯麵 〕
一上枱湯色已經吸引。飲落唔算勁辣，但湯底濃郁有層次，辣得溫柔、帶微微甜味，味道厚實得黎唔膩。麵條煙韌有咬口，我幾快就食清晒成碗，同事仲即刻攞我個湯嚟食佢啲麵（佢話自己嗰碗冇咁濃🤣）
〔 豬肉蒸餃 〕
用蒸籠上，造型加分！餃子體積大大粒，皮厚帶彈性，偏向韓式路線。餡料實淨，唔算多汁，但味道唔錯，熱辣辣食幾滿足。
〔 辣牛肉湯麵＋泡菜豬肉餃子（同事食）〕
湯底比我嗰碗淡啲，辣度亦比較溫和。泡菜餃味道重口少少，酸香開胃，適合鍾意重味嘅人
〔 韓式前菜 〕
每份set都包小碟泡菜、醃蘿蔔，份量唔多，但作為開胃小食就剛剛好。
—
Seoul Noodles 銅鑼灣店空間比預期寬敞，有自然光滲入，坐得舒服。平日 lunch hour 去到都已經七至八成滿，明顯係附近上班族嘅飯堂之一
—
Seoul Noodles (銅鑼灣)
銅鑼灣謝斐道482號兆安廣場地下4-6號舖
—
张贴
