影片
更多
2021-04-11
1280 浏览
The Commune 隱藏在K11 Artus 服務式住宅大廈10樓。一入到大堂已經感覺到好靚好有特色嘅裝修。睇得出呢度個老闆花咗好多心思係每一件擺設，一路行去酒店就好似行緊一條藝術長廊，一列玻璃窗盡覽維港靚景，走廊應該係比住客使用嘅lobby，有好多精緻藝術品，又有鋼琴同旋轉樓梯，眼睛已經好滿足。呢間餐廳係開放比所有非住客，但係所有都必須事先預約。我同朋友預訂了晚飯，但係主要都係想飲吓嘢食啲小食傾吓計。當晚人客唔算多所以坐得好舒服幾個朋友飲嘢傾偈一流。座位兩邊都係落地玻璃，睇到超靚嘅維港夜景。飲食方面我哋一開始叫咗幾個餐前小食，其中照燒鰻魚迷你漢堡同日式五花肉刈包都非常之推介，味道好特別，細細件又唔會食到你好飽，配酒同Cocktail一流。呢度啲服務亦都係五星級酒店嘅水平，好細心會按我哋人頭準備每份小食。餐廳嘅服務員亦都好貼心，我只係話有啲熱想飲啲好refreshing 同少啲酒精嘅飲品，佢幫我點了一杯In the Chamber 有啲青瓜同檸檬加whisky非常之清新，仲有一塊大冰賣相仲好靚添。最後我哋仲點左中式老火湯同一個炒飯。個老火湯好似係蓮藕湯，煲得火候好足夠好似屋企飲嘅媽
呢間餐廳係開放比所有非住客，但係所有都必須事先預約。我同朋友預訂了晚飯，但係主要都係想飲吓嘢食啲小食傾吓計。當晚人客唔算多所以坐得好舒服幾個朋友飲嘢傾偈一流。座位兩邊都係落地玻璃，睇到超靚嘅維港夜景。
飲食方面我哋一開始叫咗幾個餐前小食，其中照燒鰻魚迷你漢堡同日式五花肉刈包都非常之推介，味道好特別，細細件又唔會食到你好飽，配酒同Cocktail一流。呢度啲服務亦都係五星級酒店嘅水平，好細心會按我哋人頭準備每份小食。
餐廳嘅服務員亦都好貼心，我只係話有啲熱想飲啲好refreshing 同少啲酒精嘅飲品，佢幫我點了一杯In the Chamber 有啲青瓜同檸檬加whisky非常之清新，仲有一塊大冰賣相仲好靚添。
最後我哋仲點左中式老火湯同一個炒飯。個老火湯好似係蓮藕湯，煲得火候好足夠好似屋企飲嘅媽媽靚湯咁。個炒飯亦都好乾身脆口，份量亦都好夠，四個女仔都食唔晒。
感覺呢度係一個隱藏嘅寶石，同情侶拍拖或者幾個好朋友嚟飲個下午茶，又或者黃昏嚟飲杯嘢食少少都係一個好好嘅選擇。我哋感覺到好似去咗外國唔係喺香港咁樣，疫情期間大家都想有旅遊feel呢度就最啱啦。下次一定會再搵日嚟試吓佢個下午茶。
张贴