酒鍋 (V Point) (已結業)

上年同一大班同事嚟過酒鍋gathering，印象係好高級嘅打邊爐。香港人呢四個幾月都冇乜點抖，今日決定嚟食餐勁嘅，當俾自己嘆一嘆。入到餐廳一坐真係哇咗一聲，對住個維港夜景打邊爐真係好感動。 我地大概八點到入座，餐廳幾乎全滿，好彩有提早book位。即炸手工紫菜響鈴估唔到紫菜同響鈴係咁夾，即叫即炸勁香口。金沙鹹蛋炸魚皮好食到傻咗。啲鹹蛋炸到好香，上枱個陣仲好熱好脆。酒鍋四合一湯底濃湯豬骨鍋：好濃，入味仲有嚿大豬骨四川麻辣鍋：雖然冇得簡辣度，但估唔到又幾麻幾辣喎，唔錯馬來肉骨茶鍋：好夠胡椒味，我鐘意龍蝦海鮮鍋：幾香龍蝦味特盛肉類拼盤(安格斯牛柳粒,安格斯牛肉,雞肉片,黑毛豬腩片,頂級蒙古涮羊肉粒)個人特別鍾意安格斯牛柳粒：必嗌，肉質結實，牛味重安格斯牛肉：雪花紋路油脂分佈均勻海鮮拼盤(海中蝦，大蜆，加拿大長腳蟹，澳洲藍青口)主打chic and shake,即係可以先用湯底煮熟海鮮，放入個袋到再加埋酒鍋嘅秘製醬料，自己shake，又幾有gimmick🤣令到我諗起泰國嘅shakeshake海鮮，佢個醬又幾香口，食唔停口全部海鮮都幾新鮮，特別推薦加拿大長腳蟹，好鮮甜。手打丸 (咪走雞 ,酒鍋熊)