瀧宴日本料理

营业中

休息中

位於suger+ 高層嘅瀧宴日本料理主打食日本料理及鐵板燒，而且可以飽覽整個維港景，非常適合約會及慶祝😍前菜先由高糖番茄及粟米、哈密瓜夾黑毛豬、螺，相當精緻美味。而刺身壽司方面，炙燒過嘅梳子魚釋放出魚油香；池魚王，又名深海池魚，肉質細緻帶爽；最後係大分県呑拿魚中拖部分，油脂香之餘帶點獨有的鐵酸味🤤壽司有池魚，以及配上了松露醬和淡雪鹽嘅真鯛蜆湯作間場料理，而首道鐵板料理為銀鱈魚，原塊魚皮會特別起出黎再煎香造型，師傅功架十足相當有經驗🙂‍↕️香煎大蝦和美國牛柳亦係唔會有乜差錯嘅食材，每道擺盤都好有心思🫰🏻最後係櫻花蝦炒飯，甜品則係抹茶布甸配十勝紅豆，無論環境、食物、味道都好好嘅一間餐廳