奇納百川 (已結業)

餐廳空間寬敞，落地玻璃的設計，可以睇哂成個維海夜景。去得韓國餐廳，當然要試炸雞同炒粉絲啦，加埋個沙律就啱啱好喇！◭ 秘製蒜香燒腩肉沙律（微辣）$138秘製嘅醬汁有意外驚喜，辣嘅程度係意料之外，食唔到辣嘅朋友可以揀其他沙律。燒腩肉相對乾身，夾埋生菜一齊食，另一番風味！◭ 蒜香蜜糖炸雞 $188炸雞外脆內嫩多汁，炸粉不會太多或太厚，蒜香蜜糖醬分開上，可自行選擇醬汁份量，沒有令人失望的炸雞。◭ 海鮮炒粉絲 $148粉絲充滿麻香的味道，軟硬適中，味道剛剛好。豐富海鮮配料，鮮味十足。喜歡食韓國粉絲，推介不妨試試。今晚餐牌上有幾款菜式都已經賣哂，想試呢間餐廳嘅朋友仔，記住要早啲到喲！